A Year of Late Cornish

    2026 Dedh Trei Hans ha Seytek De Gwener, terdhegves mis Dû Friday, 13th November Nei a fanjas calander Zelond Nowydh rag nessa bledhen adhort agan cowetha. Leun a ymajys teg ew. Fotograffys dramatyk ens a venedhyow, rewlivyow, lohow, lagednow, trethow ha dowrlabmow. Ma dhen calander dhe dhanon, gen ymajys a howlsedhesow en Kernow. Teg ens, saw nag ens dramatyk. Nag eus menedhyow ûhel gen ergh na rewlivyow dhe nei. Avorow my a vedn dallath gwil calander (tavas) Kernôwek. We received a New Zealand calendar for next year from our friends. It is full of beautiful images. They are dramatic photos of mountains, glaciers, estuaries, lakes, beaches and waterfalls. We have a calendar to send, with images of sunsets in Cornwall. They are beautiful, but they are not dramatic. We do not have high mountains with snow nor glaciers. Tomorrow I will start making a Cornish (language) calendar.

  2026 Dedh Trei Hans ha Whetek   De Yow, dewdhegves mis Dû Thursday, 12th November An üdnegves dedh a vis Dû, an üdnegves eur, nei a wrüg remembra oll an düs a wrüg merwel en gwerryans. Rag fra an jedh na ha'n eur na? Drefen bos e'n eur na an godnys a godhas còsel e'n Kensa Gwerryans an Bes. Lies a veu cuntellys gen Kitchener. Famos ew an poster ma, gen bes ow poyntya tûa miroryon. Thera othom dhe'n pow a düs dhe ombla. Farage a wrüg war y lergh, ke nag eus minvlew dhodhans! Ma othom dhodho a esely rag y barty polityk. Nag eus othom dhe'n pow anodho. On the eleventh day of November, at the eleventh hour, we remembered all the people who died in warfare. Why that day and that time? Because then the guns fell silent in the First World War. Many were recruited by Kitchener. This poster is famous, with a finger pointing towards viewers. The country needed people to fight. Farage copied him, though he doesn't have a moustache! He needs members for his political part...

  2026 Dedh Trei Hans ha Pemdhek De Merher, üdnegves mis Dû Wednesday, 11th November Devedhys ha gellys arta ew Nos Calan Gwav. An flehes wydn a liwyas aga fompyonow, bes lebmyn forsakys ha nakevys ens. Nag eus whans dhe'n flehes a dhebry pompyon. Nag ew da gena vy crampes bompyon (re wheg ew ha na ellama debry tos).  Bettegens, my ell fittya badna cowl pompyon (heb has ha heb rüsk). Nag eus meur a sawor dhe bompyon, etho my a wra ûsya onyon ha tomato ewedh. Hebma a vedh le blewek.    Halloween has come and gone again. The grandchildren painted their pumpkins, but now they are abandoned and forgotten. The children don't want to eat pumpkin. I do not like pumpkin pie (it is too sweet and I can't eat pastry). However, I can prepare a drop of soup (without seeds and without rind). Pumpkin doesn't have much flavour, so I will use onion and tomato as well. This will be less boring.

   2026 Dedh Trei Hans ha Peswardhek De Meurth, degves mis Dû Tuesday, 10th November Terweythow ma nerth lowr dhebm dhe wil meur a whel. De a veu jorna a'n par na. Hedhyw, nag eus nerth dhebm ha na ellama gwil tra veth! Ma othom a wil whel e'n lowarth, saw hager ew an gewer ha gwell via genam gòrtos e'n chei. My a wra redya. Sometimes I have enough energy to do a lot of work. Yesterday was a day like that. Today, I do not have any energy and I can't do anything! Work needs to be done in the garden, but the weather is horrible and I'd prefer to stay in the house.  I'm going to read.

  2026 Dedh Trei Hans ha Terdhek De Lün, nawes mis Dû Monday, 9th November Ajwonys ew Towynblistra rag morplaynya, ha meurgerys ew gen tüs neb a gar an mor. Bès, terweythyow ma othom dhe flehes a neppeth deffrans, neppeth moy saw. Mons ow tos òbma rag gwary ha cawas festow pedn-bloodh. Ma romys party rag debry an desen pedn-bloodh. Nag eus cübmyas rag boos (na skichow) war dhaffar gwary. Anjei ell daslebmel war drampolins. Anjei ell lappya adhort tour po slynka a-bera dhe pibow war nans bys en neppeth medhel. Anjei ell crambla ha cramya dres cawallow. Anjei ell mantoly war estyl ahes heb own a godha. Ma pyttys a gûbys ruber medhel. Da ewa rag aga gallos gwayans, ha mons ow spendya oll aga nerth re. Da ew hedna gen an düs gowldevys!    Newquay is famous for surfing, and popular with people who love the sea. But, sometimes, children need something different, something safer. They come here to play and have birthday parties. There are party rooms for eating the birthday cake...

  2026 Dedh Trei Hans ha Dewdhek De Sül, ethves mis Dû Sunday, 8th November Ass ew teg an lowarth e'n mettin a-varr. Otta an howl adhelher dhe'm baywedhen, ow creatya lies golôwas howl dres an scorednow.  Ma'n gwels ow terlentry gen adamantys a rew ha glouth. Ev a veu kensa rew an sêson. Ma va ow teudha e'n tobmder an howl. Na wra va dürya pell. Ma'n kei a gar spladna an howl magata. How beautiful the garden is in the early morning. See the sun behind my baytree, creating many sunbeams through the branches. The grass is sparkling with diamonds of frost and dew. It was the first frost of the season. It is thawing in the warmth of the sun. It will not last long. The dog loves sunshine as well.