A Year of Late Cornish

  2025 Dedh Dew Cans Pajar warn Ügens De Meurth, dewdhegves mis Est Tuesday, 12th August E'n seytegves cansbledhen Nicholas Boson a scrifas daralla e'n tavas Kernôwek. Thera whans dhodho a witha agan tavas rag an termyn a vedn dos. Ha lowen o nei dhe redya y dharalla hedhyw e'n jedh. Nei ell y redya rag an geryow - saw nei alja redya ynter an linednow ewedh. E'n daralla, Jowan a lavaras "My a vedn mos dhe whilas whel dhe wil, ha whei ell dendel gas bownas obma." Nag o va na den bal na den an pusc as. Ev eth dhe'n est ha cawas whel war vargen tir. Bes na wrüg Boson scrifa tra veth a whel rag gwreg Jowan. Pana whel alja hei cawas? Meteth en chei brâs, martesen, ow clanhe an planchens? Alja hei nedha gwlan po gwreha dilhas? Bes martesen nag era gwlan dhe nedha. Nag o othom a allos dhe vos golhores. In the 17th century Nicholas Boson wrote  a story in the Cornish language. He wanted to preserve the language for the future. And we are happy to read the story no...

  2025 Dedh Dew Cans Trei warn Ügens De Lün, üdnegves mis Est Monday, 11th August Pandr'a wrüg wharvos en mis Est en bledhydnyow tremenys? My a redyas lever dyllys nanj ew cans bledhen po nebes. Ma'n lever ow rei derivas a wharvosow whath cottha. Hedhyw, en whetek cans dogens ha pajar, lu lel dhe'n gurün a geth dhort Trurû bys en Lostwydhyel, dhe junya Metêrn Charles ena. En mis Est, ewedh, John Wesley a dheuth  dhe Drurû, en seytek cans dogens ha pemdhek. Ha Richard Lander a dhallathas y viaj dhe whithra Africa, en etek cans pemp warn ügens (nanj ew diw cansbledhen). Lebmyn ma scol henwys Richard Lander en Trurû (scol ow flehes wydn).   What happened in August in years gone by? I read a book published about a hundred years ago. The book gives an account of even older events. Today, in 1644, an army loyal to the crown went from Truro to Lostwithiel to join King Charles there. Also in August John Wesley came to Truro, in 1755. And Richard Lander began his voyage to explore...

  2025 Dedh Dew Cans Dew warn Ügens De Sül, degves mis Est Sunday, 10th August Lowen o vy bos gen teylû, bes lebmyn skith o vy. Na wrüga vy remembra dhe gemeres fôtôs, rag hedna na ellama disqwedhes ow herens teg - ha'n pres specyal marthys a veu fyttyes genam! Gwrewgh desevos an gwelha kig yar en maner Chêny gen oll sortow losow ha tosednow Chinek. Ha rag sant melys? Crampes avalow, en tiogel. I'm happy being with family, but now I'm tired. I didn't remember to take photos, therefore I can't show off my beautiful relatives and the wonderful speciality meal I prepared! Imagine the best China style chicken with all sorts of vegetables and Chinese noodles. And for dessert? Apple pie, of course.

  2025 Dedh Dew Cans Wonan warn Ügens De Sadorn, nawes mis Est Saturday, 8th August  "En hav perh co  gwav!" Hemm ew lavar coth. Hav ew, en sür, ha tòbm ew an gewer. Bettegens, gwell via genam na pedery adro dhe'n gwav ha kewer yeyn. Ma lies aval e'n gwedh avalow, ha war an dor. Na ellama cuntel po cafel pub onan anodhans. En termyn eus passyes an cost ma o leun a leuryow avalow (rag gwil cider, dres lycklod). Thera an mowysy ow longya dhe dhos dhort an nessa treveglos gen aga hanstellow rag an drevas. Gellys ew an jarnys ha'n mowysy, saw whath ma nebes gwedh coth òbma hag ena. Pandra wra vy gwil gen mar lies avalow browys po bian? Na wra anjei dürya pell. "In summer remember winter." This is a proverb (an old saying). It is summer, certainly, and the weather is hot. However, I'd prefer not to think about the winter and cold weather. There are lots of apples in the apple trees and on the ground. I can't pick or pick up every one of them. Once upo...

  2025 Dedh Dew Cans hag Ügens De Gwener, ethves mis Est Friday, 8th August War an leur, war an dor, en hav da ew gen ow hei coth sedha dadn wedhen po dadn nebes plansow skeujek. Ma lies aval codhys war an leur. Mons ow codha moy üskis avel ow gallos dh'aga ûsya. Ma delkyow ow codha ewedh, del marow. Ma diwedh an hav ow tos solabres. Scon e vedh kidnyadh. My a wel delkyow owryek dadn an besow gwydn. Nag üjy an idhyow ow treylya liw; bythwer ew. Cüdhys ew an edhyn bian en mis ma. Mons ow treylya aga plüv, theram ow pedery. My ell gweles plüv codhys dhort an edhyn cüdhys war an gwels. Nag üjy an vran owth omgüdha. Üjy hei ow whilas mòryon? On the floor, on the ground, in summer my old dog likes to sit under a tree or under some shady plants. There are lots of apples fallen on the floor. They are falling faster than my ability to use them. Leaves are falling too, dead leaves. The end of the summer is coming already. Soon it will be autumn. I see golden leaves under the silver birch. T...

  2025 Dedh Dew Cans ha Nawnjek De Yow, seythves mis Est Thursday, 7th August Plansow a res cressya. Terweythyow nag ew aga bownans pur hir. Ma lies spôr dhe scavellow cranak. My a wras prynt spôrow gen ow mab wydn. Spôrow ew pur scav ha mons ow neyja e'n ayr. Ma frûtys ha has dhe blansow brâssa. Nebes anodhans ew whethys pelderyow hir gen gwensow. Ma pub hasen ow tegy gool po parashût. Ma bahow münys war nebes frûtys ha ma'n re-ma ow cacha war vlew bestes. Degys e kerdh en jei gen an bestes.    Plants have to reproduce. Sometimes their life is not very long. Mushrooms have many spores. I made a spore print with my grandson. Spores are very light and they float in the air. Bigger plants have fruits and seeds. Some of them are blown long distances by winds. Every seed bears a sail or parachute. There are tiny hooks on some fruits and these catch on animal hair. They are carried away by the animals.

  2025 Dedh Dew Cans hag Etek De Merher, wheffes mis Est Wednesday, 6th August Hedhyw theram ow scrifa ow tochya damach. Nebes crowsek oma. Nebonan gen carr po neppeth brâssa a shyndyas agan vos. Cravys ew hei. Ma doust gwydn war an whedn. E'n gwelha pres na wrüg anjei hy sqwattya dor. Ma nebes frûtys whethys dor gen an gwens. Meurgerys ens gen oll sortow creatûrs münys. Boos ew avalow browys rag anprevyon. Gwell ew kelyonen margh ow piga aval cuskys avel piga vy.  Pigys gen edhyn ew avalow ha ploum ha anjei whath e'n gwedh. Today I'm writing about damage. I'm a bit cross. Somebody with a car or something bigger has damaged our wall. It's scratched. There is white dust on the weeds. Luckily they didn't knock it down. There are some fruits blown down by the wind.They are popular with all sorts of little creatures. Bruised apples are food for insects. Better a horse fly biting a rotten apple than biting me. Apples and plums are pecked by birds while they are still...

    2025 Dedh Dew Cans ha Seytek De Meurth, pempes mis Est Tuesday, 5th August Da ew genam whynas! Anjei ell bos pur deg (saw terweythyow anjei ell bos dregydnüs).  An 'ragwort' melyn, emesk an montbretia, ew drog. Devedhys òbma ew ev dhort Resohen gen an vorr gledher. Na res mergh y dhebry. (Ma kei bes nag eus mergh veth dhebm.) Hokles ew melyn, ewedh, saw henn ew didhrog. Ma mellyon gwydn ha mellyon rüdh rag an gwenen, bes an tycky-Duw ma a gar pedry pronter. I like weeds! They can be very beautiful (but sometimes they can be harmful). The yellow ragwort, among the montbretia, is bad. It came here from Oxford with the railway. Horses must not eat it. (I have a dog but no horses.) Hawkweed is yellow, too, but that is harmless. There's white clover and red clover for the bees, but this butterfly loves a knapweed.

  2025 Dedh Dew Cans ha Whetek De Lün, pajwora mis Est Monday, 4th August Ma sinys bestes münys e'n lowarth. Terweythyow thew an olow enwejek. Pandr'ew an grügen lobm ma? Nag eus gwels po bleujow a'n gog warnedhy. Ew hei pil gòdhor? Nag ew. Re vrâs ew. A ello whei gweles an tell bian? Crüg mòryon ew, leun a vòryonen dhû. Mòryon ew da gen edhyn. Terweythyow my a wel casek coos e'n lowarth. Na ellama gweles gwiajow kenis en kewer segh, saw disqwedhys en jei gen glebor, emesk an reden bian ha delkyow sevy war ladn.  There are signs of mini-beasts in the garden. Sometimes the traces are distinctive. What is this bare mound? There is no grass or bluebells on it. Is it a molehill? No. It's too big. Can you see the little holes? It's an ants nest, full of black ants. Birds like ants. Sometimes I see a woodpecker in the garden. I can't see cobwebs in dry weather, but they are displayed by moisture, among the little ferns and wild strawberry leaves on a bank.

  2025 Dedh Dew Cans ha Pemdhek De Sül, tryja mis Est Sunday, 3rd August E vedh boos lowr rag an edhyn. Ma lies greunen ha frûtys erel e'n gwedh ha bushes - ogan rüdh war spern gwydn, ploum owryek ha purpur. Debrys solabres gena nei ew an ploum owryek delicyous. Ma othom dhe'n ploumen Kea a dermyn moy dhe arvesy. Nebes calish ens whath. Owryek ew an ysek en peldar. Ma niwl po cloudys isel war an menedhyow ogas dhe'n als.  There will be enough food for the birds. There are lots of berries and other fruit in the trees and bushes - red haws on whitethorn (hawthorn), gold and purple plums. We have already eaten the delicious golden plums. The Kea plums need more time to ripen. They're still a bit hard. The cornfield in the distance is golden. There is fog or low clouds on the hills near the coast.

  2025 Dedh Dew Cans ha Peswardhek De Sadorn, nessa mis Est Saturday, 2nd August Na ellama scrifa tra veth dhe les hedhyw. Re skith o vy. Ma'n maw bian òbma arta! Ha ma'n keun òbma oll an termyn. Lôwen ew an keun gen kerdhes ha gwary pel. An maw bian a vedn mires orth nebes flows war YouTube. Da ew ganjo bestes didhanüs. Martesen, avorow nei alja gwil art - pictours a vestes. I can't write anything interesting today. I am too tired. The little boy is here again! And the dogs are here all the time. The dogs are happy with walking and playing ball. The little boy wants to watch some nonsense on YouTube. He likes funny animals. Perhaps tomorrow we could do art - pictures of animals.

  2025 Dedh Dew Cans ha Terdhek De Gwener, kensa mis Est Friday, 1st August Thera nei tredh howlsavla (Golowan) ha kehesnos kidnyadh. Dew vis hav (mis Efen ha mis Gorefen) ew gellys solabres. Ma ys en gwelyow ha frûtys e'n gwedh. Ma'n barrow ow plegy gen poos an avalow. Ma termyn an trevas ow tallath. En hav perh co gwav. En Wordhen an jedh ew henwys "Lughnasadh". Degol ew. We are between solstice (Midsummer) and autumn equinox. Two summer months (June and July) have gone already. There is corn in fields and fruit in the trees. The branches are bending with the weight of apples. The harvest time is beginning. In summer remember winter. In Ireland the day is called "Lughnasadh". It's a festival.