A Year of Late Cornish

  2026 Dedh Üdnek war Ügens De Sadorn, üdnegves warn ügens mis Genver Saturday, 31st January E'n vledhen dremenys e veu gool rag dew cans bledhen Henshorn Redrüth ha Chasewater. Ev a dhallathas avel trammvorr, gen kertys tednys gen mergh. Nena jynnys eth a veu ûsys et aga le. An kertys a wrüg carya stoff dhort an balyow dhe hean bian, ha glaw a Gembra dhe'n balyow rag an jynnys e'n jynnjiow.   Last year there was a celebration for two hundred years of The Redruth and Chasewater Railway. It began as a tramway, with wagons drawn by horses. Then steam locomotives were used instead. The wagons carried ore from the mines to a little harbour, and Welsh coal to the mines for the engines in the engine houses.

2026 Dedh Deg warn Ügens De Gwener, degves warn ügens mis Genver Friday, 30th January Ew an jedh ma dhe les? E'n lever coth vy ma dew wharvos ew merkys. Dew wharvos pur deffrans ens, an kensa en Loundres ha'n nessa en Kernow. Metêrn Charles I a grejas en reyth devîn metêrnow. Ev a dreylyas metêrn en whetek cans pemp warn ugens ha rag peder bledhen thera Senedh ewedh. Wòja hedna rag üdnek bledhen, terebo whetek cans ha dogens, na wrüg ev sòmona an Senedh. Pur engres o an Senedhoryon. Y omdhegyans a ledyas dhe'n Bresel Wlasek Sowsnek. Lû an Metêrn a veu fethys ha, en whetek cans dogens ha naw, an Metêrn a veu dibednys. Merther o va dh'y ventenours. Ew hedn' a vry dhe Gernow? Y vab a scappyas dhe  exilyans, gen termyn cott en Castel Pendinas. Wòja Restorita en whetek cans ha trei ügens Killigrew, perhen Arwennek, a blodyas dhe fondya eglos ha treveglos. Lebmyn an dre ew Falmeth ha sacrys ew an eglos (Anglican Ûhel) dhe Charles, Metêrn ha Merther.  (An henshorn ew neppe...

  2026 Dedh Naw warn Ügens De Yow, nawes warn ügens mis Genver Thursday, 29 th  January   My a welas kesstrif rag scrifa neppeth en "Kernewek".  Üdn matter profys ew “Pols Gwander”. Nanj ew nebes bledhydnyow, rag teken my a wrüg omdhisevel ha codha. My a dorras clün. Hedna veu pols gwander - a'n corf. Lebmyn ma dhebm clün nowydh. Diwedh an whedhel! Blewek. Pols Gwanegredh a via moy dhe les. Bosch a lymnas an "Seyth Pegh Marwel" en liwyow oyl war bredn poplysen. En pols gwanegredh onan an re na alja 'gas lewya rag dhe sherewynsy brâssa. Otta rôl: Whei ell cavas lies lymnans. 1. gooth 2. crefny po covaytis 3. gwener 4. gosotys po avy 5. gloteny ha medhewnep 6. sorr po connar 7. sygerneth I saw a competition for writing something in Cornish.  One suggested topic is "A Moment of Weakness". Several years ago, f or a moment I lost my balance and fell. I broke a hip. That was a moment of weakness - of the body. Now I have a new hip. End of story! Boring. ...

  2026 Dedh Eth warn Ügens  De Merher, ethves warn ügens mis Genver Wednesday, 28th January Gwrewgh nakevy an hager awel. Hedhyw, gwell ew an gewer. Ma flourys et ow lowarth - bohes brially (emesk an delkyow marow) ha lies camellia. Nag eus delkyow nowydh war an gwedh whath bes solabres, en colwedhen e'n ke, my ell gweles an kensa losyow ôn. Forget the storm. Today, the weather is better. There are flowers in my garden - a few primroses (among the dead leaves) and a lot of camellias. There aren't any new leaves on the trees yet but already, in a hazel tree in the hedge, I can see the first catkins (lamb's tails).

  2026 Dedh Seyth warn Ügens De Meurth, seythves warn ügens mis Genver Tuesday, 27th January Otta gladn Dowr Melinjy en hav. Pur isel ew an dowr en mis Gorefen. Bes gwrewgh mires ort an gwarnyans hedhyw. Na venjama kerdhes an trolergh lebmyn. Pedn a'n rôl ew an gover. Dres lycklod e vedh liva. Ma coos coth e'n nans. Hebma a wra kemeres radn an liv, bes e vedh dowr down war an vorr ewedh. Nag eus whans dhebm mos rag y weles! Meur ras! Ma lies gwarnyans rag pub ryvar  Kernow. Radn anodhans ew lacka 'vel a' r'erol. Here's the bank of Bolingey Stream in summer. The water is very low in July. But look at the warning today. I wouldn't like to walk the footpath now. The stream is top of the list. There is likely to be flooding. There's an old wood in the valley. This will take some of the flood, but there will be deep water on the road, too. I do not want to go to see it! Thanks! There are many warnings, for every Cornwall river. Some of these are worse than th...

2026 Dedh Whegh warn Ügens De Lün, wheffes warn ugens mis Genver Monday, 26th January Ew da geno whei mappys? Nag ew da genam an mappys ma! Na vedh an awel pur dha avorow. E vedh glaw ha glaw moy, ha gwens. Nag ew agan keun lowen. Na veu kerdh hir dhodhans hedhyw ha na vedh kerdh hir dhodhans avorow. Ma hanow dhe'n enawel; 'Chandra'. Ma enawel aral, ewedh, pelha tûa'n sooth west. A wra 'Joseph' dos òbma? Wra nei clôwes Tregeagle ha'n helgh gwyls? Do you like maps? I do not like this map! The weather will not be very good tomorrow. There will be rain and more rain, and wind. Our dogs are not happy. They did not have a long walk today and they will not have a long walk tomorrow. The storm has a name; 'Chandra'. There is another storm, too, further towards the south-west. Will 'Joseph' come here? Will we hear Tregeagle and the wild hunt?

  2026 Dedh Pemp warn Ügens De Sül, pempes warn ügens mis Genver Sunday, 25th January E veu diw enawel dhe nei. An gwens o pur grev ha trosüs. Nag era nei war Woon Brenn, bes wrüga nei clôwes an Jowl gen an Brathkeun Efarn ev ow helghy enevow kellys? Po martesen nei a glôwas Tregeagle ow kyny.   We had two storms. The wind was very strong and noisy. We are not on Bodmin Moor, but did we hear the Devil with his Hell Hounds hunting for lost souls? Or perhaps we heard Tregeagle wailing.

  2026 Dedh Pajar warn Ügens De Sadorn, pajwora warn ügens mis Genver Saturday, 24th January Ma damach dhe nei, wòja an gwens ha'n glaw. Diw enawel, an eyl woja y gila. En gwelha pres, whath ma to dhe'n chei. Bes to an crow a sygeras. Dowr a dheuth abera. Res vedh dhen owna po daswil an to. En kensa ma othom a howlsplan rag seha an predn. Còvren an lester oyl ew terrys; radn a godhas war an gwels. Bes an cas alja bos lacka. We have damage after the wind and rain. Two storms one after the other. Fortunately, the house still has a roof. But the shed roof leaked. Water came inside. We will have to mend or redo the roof. First sunshine is needed to dry the wood. The cover of the oil tank is broken; part fell on the grass. But the situation could be worse.

  2026 Dedh Trei warn Ügens De Gwener, tryja warn ügens mis Genver Friday, 23rd January Hager awel arta hedhyw. Otta an todnow en Pensans! Na aljama mos dhe'n opticyan. Re wenjek o hei. Thera own dhebm rag codha. Na venjama terry clün aral. Horrible weather again today. See the waves in Penzance! I couldn't go to the optician. It was too windy. I was afraid of falling. I wouldn't want to break another hip.

2026 Dedh Dew warn Ügens De Yow, nessa warn ügens mis Genver Thursday, 22nd January Ma caletter dhebm gen ow jynn amontya. Na ellama danvon ow descans e'n maner herwedh ûsadow. Pandr'ew wharvedhys? Res ew dhebm y witha avel blogg. I have a problem with my computer. I can't send my lesson in the customary way. What has happened. I must keep it as a blog.  Another use of bos descriptive How do we say what we ‘must’ do or ‘have to’ do? There is a defective verb, ‘res ’, which comes in two versions. The third person singular of the present future can be used with any subject and verbal particle ‘ a ’. See first column. This can be followed by any verbal noun (infinitive) with or without adverbs, objects, etc. See second column. 1 s     My a res = I must 2s     Ty a res = thou must 3sm Ev a res = he must 3sf   Hei a res = she must 1pl   Nei a res = we must 2pl   Whei a res = you must (also formal regi...

2026 Dedh Ügens hag Onan De Merher, kensa warn ügens mis Genver Wednesday, 21st January Solabres thew üdn mis wòja an cottha dedh ha'n dedhyow ew nebes hirra. My a viras orth folen a lever coth - cans bloodh coth. Hedhyw a dal bos degol Anek. Bes eus kefewy en Breanek en seythen ma? Nag eus, bes dedh vas ew rag ûsya charm kerenja, car dre hevel. Ma daralla adro dhe'n venyn Duw. Hei a jarmyas cowr anfujek, henwys Bolster.  Already it's one month after the shortest day and the days are slightly longer. I looked at a page of an old book - a hundred years old. Today should be the feast of St Agnes. But is there a party in St Agnes this week? No, but it is a good day for using a love charm, it seems. There's a story about the godly woman. She charmed a hapless giant, called Bolster.