A Year of Late Cornish

2021 Dedh Dewdhek ha Dewgens De Sül, kensa warn ügens mis Whevrel Sunday, 21st February Nag ew an gewer brentin hedhyw, saw nag eus glaw oll an termyn ha ma tüs ow kemeres an ayr - gen ombellheans sôcyal, heb dout a'n dra. Ma nebes lathow tredh mergh agan kentrevogesow, ewedh. Ma tüs ow kerdhes ha pònya: pobel coth ha yonkers, teylûyow gen flehes en kerrigow flogh. Leun ew an ayr a levow edhyn. My ell clôwes heyjy gwels reb an ryvar, saw na ellama aga gweles. Ma casek coos en kylly. Ma lies heckamola ow cana e'n keow. My ell ajon rüdhek, bes pandr'ew y gila? Martesen thew golvan ke. The weather today is not great, but there's not rain all the time and people are taking the air - with social distancing, of course. There are several yards between our neighbours' horses, as well. There are people walking and running: old people and youngsters, families with children in pushchairs. The air is full of bird voices. I can hear wild ducks by the river, but I can't see t...

Gwrewgh mires orth kernowekenchei.blogspot.com Ma descas nowydh.

   2021 Dedh Üdnek ha Dewgens De Sadorn, ügensves mis Whevrel Saturday, 20th February My a viras der an veister ha na veu da genam an wel. Re a dhowr. Nag eus caletter a'n par na war an planet Meurth na fella. En termyn pell tremenys tho an crater Jezero leun a dhowr pecar'a hûjes lydn (ma Jezero ow menya lydn), saw lebmyn gellys ew oll an dowr, treylyes dhe eth. Nag eus ayr po gravedh lowr, etho ma dowr ow pryjyon ort temperedh isel. E j'eth mes a wel bys e'n efander. An dowr a aras olow - ma valys, gwely lydn, delta ryvar formys avel gwynsell. Concevyes ew an dowr gen artist. Ma dowr gwir et ow bôwnder hag e'n plodn bian! Nag eus delta - ma kivorr. I looked through the window and I did not like the view. Too much water. There isn't that sort of problem on the planet Mars any longer. Long ago the Jezero Crater was full of water like a huge lake, but now the water has all gone, vaporized. There's not enough air or gravity, so water boils at a low temperature...

   2021 Dedh Hanter Cans De Gwener, nawnjegves mis Whevrel Friday, 19th February Pandr'ew an nowodhow hedhyw? Eus clowys genowgh an nowodhow a-dhiwedhes?  Eus gwelys geno whei fotos dhe les war an televisyon? Ma'n gwens dhort an sooth, rag hedna moy mygyl ew an temperedh. Na whath, gleb ew an awel. Glaw a wra en Kernow. Ha na vedh hei gwell avorow. Nag ew pub le gleb! Otta telher pur segh. An planet rüdh, Meurth, ew behatna vel agan planet glas, An Norves. Gravedh Meurth ew gwadna vel gravedh An Norves (nag ew bes etek a'n cans warn ügens) hag y wask ayr ew meur le (nag ew bes onan en cans). Bettegens, ma bledhen hirra dhe Meurth - adro dhe whegh cans dedh pajar ügens ha seyth. Gen meur a teknologieth avonssys, devedhys ew whithrer, henwys Perseverans, dhe'n enep an planet rüdh. Lebmyn ma dhen ymajys nowydh. Pur lowen ew an d üs en NASA. What is the news today? Have you heard the news recently? Have you seen any interesting photos on the television? The wind is from ...

  2021 Dedh Dogens ha Naw   De Yow, etegves mis Whevrel Thursday, 18th February Cler ew an ayr hedhyw. An gwens a dreylyas. Thera va ow tos dhort an west e'n dohajedh. An turbin gwens a dreylyas ewedh. Gellys ew an hager gwens yeyn dhort an est. My a glowas lies edhen ow cana - martesen onan anodhans o awhesydh. Na aljama hy gweles. De my a glowas casek coos - saw na aljama gweles hodna naneyl. Bettegens, my alja gweles lies golan en pras a-bell ogas dhe'n bal coth - re bell dhe vos clowys.  Rag fra ew golanes gwydn? Eus gwayn etto? Martesen nag eus othom a wil liw! Nag eus cüdhliw en pras glas. Nag ew bleujow ergh cüdhliwys   e'n coos drefen nag eus ergh. Gwydn ew an deves drefen bos hedna gwell gans an tiogow. Gwlân gwydn ell bos liwys. Ma lily Corawes ow tos emesk an bleujow ergh. Rag fra thens melyn? Eus othom dhodhans a dhynya anpreves pollenya?    The air is clear today. The wind turned. It was coming from the west in the afternoon. The wind turbine a...

  2021 Dedh Dogens hag Eth De Merher, seytegves mis Whevrel Wednesday, 17th February Lowen o vy hedhyw. Ma dew lever nowydh dhebm. Scrifys ew an dhew gans ow hòthmans. Gwydn ow bes dh'ajon whedhloryon marthys.  My a vetyas gen darallores Susie en bagas scriforyon en Falmeth. Hy lever hei ew rag flehes. Omdhevades a venja godhvos hy hònanieth gwir ha cavos hy gevel (po gevelles). Ankespar ew hei ort flehes erel - ma dhedhy creythen war hy bejeth. Ha darallor Alan ew kes-Kernoweger. Y lever ev rag pobel cowldevys. Voog ew mason gen viaj a dhiskevrans y hònan. Ev, ewedh, ew defalebys, gen diwla astranj. An gath ew lowen ewedh. Ma kevys genjy canstel helyk. Lebmyn na ellama hy movya! Lowen ew an gwywer drefen trouvya an has edhyn - bes res ew colobmen coos gòrtos. I am happy today. I have two new books. Both are written by my friends. I am so lucky to know wonderful story tellers. I met story teller Susie in a writers' group in Falmouth. Her book is for children. An orphan wo...

  2021 Dedh Dogens ha Seyth   De Meurth, whetegves mis Whevrel Tuesday, 16th February   De Meurth Enes ew, henwys Dedh Crampeth ewedh. Golys ewa oll adro dhe'n bes Cristyon, üdn jedh a fest ha lôwender ken sparyans Corawys. Ma Corawys ow tallath avorow, De Merher Lüjiw.  Hedhyw ma othom a ûsya oll an oyow, bleus ha leth dhe wil crampeth. Avorow na dal nagonan debry boos rych - terebo Du Pask. Ma kesstrivow. Piw ell derevel bern a grampeth an hirra po piw ell pònya an moyha üskis ha tossya crampessen? En Orleans Nowydh nag eus "Mardi Gras" (De Meurth Blonek) herwedh ûsadow e'n vledhen ma. Barrow ew degëys, procecyons ew difednys, nag eus bush brâs a düs e'n strêtys. En termyn eus passyes thera gwariow hurlya gen pel arhans. Ha thera cübmyas dhe guntel cregyn dhort an morrep, mos dhe'n trig. It's Shrove Tuesday, also called Pancake Day. It is celebrated all around the Christian world, one day of feast and festivity before the austerity of Lent. Lent begins t...