Day Hundred and Ten

An Cansves Dedh ha Deg

De Sadorn ew, an kensa dedh warn ügens a vis Ebrel.  Jorna brentin ew.  Me a dhifünas en mettyn avarr. Ma’n howl o spladna solabres. Kerdh teg o dhe’n dre. Me a welas rüdhek caradow reb an vorr (fordh) ha bleujyow gwydn spern dû e’n keow. Nag era kerry veth war an vorr.

It’s Saturday, the 21^st day of April. It’s an excellent day. I woke up early in the morning. The sun was already shining. It was a lovely walk to the village. I saw a friendly robin by the road and white blackthorn (sloe) blossoms in the hedges. There were no cars at all on the road.

Thera tüs solabres war an treth. Thera den o pònya, thera tüs erel o kerdhes gen keun. En park kerry thera tüs parrys rag mordardha. Thera üdn den o tos mes a’n mor. Ev a wrüg mordardha solabres. Thera ev o mos dh’y whel lebmyn.

There were already people on the beach. A man was running, other people were walking with dogs. In the car park there were people ready for surfing. One man was coming out of the sea. He had already surfed. He was going to work now.

E’n kyttrin dhe Falmeth me a gosôwes orth diw venyn goth o cows adro dhe oll sortow taklow. Pur dhe les! Dar! Distowgh me a wrüg remembra (perthy cov a) nepeth. Thera nakevys genam dhe dhebry o li. Thera nown dhebm. Bettegens, en Falmeth me eth dhe’n chei o howethes rag te ha tesednow ha kescows adro dhe scrifa ha scriforyon. Pandra alja bos gwell?

On the bus to Falmouth I listened to two old ladies chatting about all sorts of things. Very interesting! Oh! Suddenly I remembered something. I had forgotten to eat my breakfast. I was hungry. However, in Falmouth I went to my friend’s house for tea and cakes and conversation about writing and writers. What could be better?