Day Hundred and Seventy

Cansves Dedh Deg ha Trei Ügens

De Merher, ügensves mis Efan.

Wednesday, 20^th June. 

Thera howlsedhes pur deg hanath. Rüdh spladn o an ebron tûa an noor west. Martesen avorow a vedh jorna pur deg. Avorow a vedh mantol hav, jorna an hirra an vledhen. (An nos-ma a vedh nos an cottha an vledhen.) Avorow an howl a wra derevel pemp ar glogh, ha howlsedhes a vedh hanter òja naw. E vedh dhe nei whetek our ha hanter (po nebes) a wolowder an howl. Ma’n howl a vedh a-ûgh an Tropek a Ganker. Howldrevel ha howlsedhes ew an moy tûa noor – nena anjei a wra moas tûa soth. An ger “solstice” en Sowsnek ew dhort an ger Laten “solstitium” – ma’n howl o sevel heb movyans. En Kernôwek an howl ew mantolys. En Kernow nei a wolya Golôwan (Gool Sen Jôwan Bejydhyer). Hen’ew pajwora warn ügens mis Efan. Henwys ew hedna “cres an hav”.

There was a very beautiful sunset this evening. The sky was bright red towards the northwest. Tomorrow will be the summer solstice, the longest day of the year. (Tonight is the shortest night of the year.) Tomorrow the sun will rise at five o’clock, and sunset will be half past nine. We will have sixteen and a half hours (almost) of sunlight. The sun is overhead at the Tropic of Cancer. Sunrise and sunset are the most northerly – then they will go towards the south. The word “solstice” in English is from the Latin “solstitium” – the sun stands still. In Cornish the sun is balanced. In Cornwall we celebrate the Feast of St John the Baptist. That is on 24^th June. That is called “midsummer”.