2022 Day 302

 2022 Dedh Trei Hans ha Dew











De Sadorn, nawes warn ügens mis Hedra

Saturday, 29th October 











Relevys o vy! My a ell anella arta. Kevys ew genam an camera pòrresys - en pocket cercôt. Nag ewa kellys na velha. Rag fra na wrüga vy whilas ena kens lebmyn? Gellys ew dew gei ha dew flogh wydn ha nei alja mos kerdhes gen an maw bian (pajar bloodh). Da ew ganjo kemeres fotos gen ow hamera. (Brâssa radn anodhans ew dileys moy diwedhes gena vy!) Hengok gen cota rüdh e'n pelder, ow mos mes a wel, nag ew drog. Na ell ow gour kemeres foto heb trehy mes radn ow fedn. 

 











I am relieved! I can breathe again. I have found the essential camera - in a jacket pocket. It is no longer lost. Why didn't I search there before? Two dogs and two grandchildren have gone and we could go walking with the remaining little boy (four years old). He likes taking photos with my camera. (Most of them are deleted later by me!) Great-grandfather with a red coat in the distance, disappearing, isn't bad. My husband can't take a photo without cutting off part of my head.


Gerva rag lebmyn Vocabulary for now

anella to breathe

cercôt (m) woman's jacket

dileys (va) deleted < (verb) dilea

gellys  (va) gone< (verb) mos

hengok (m) great-grandfather

kellys (va) lost < (verb) kelly

kevys (va) found < (verb) cavos

mos mes a wel to disappear, go out of sight

na velha any longer, no longer (SWFM na fella)

pòrresys essential

relevys (va) relieved < (verb) relevya


Comments

Post a Comment

Popular posts from this blog

2024 Day 97

Image
  2024 Dedh Pajar Ügens ha Seytek De Sadorn, wheffes mis Ebrel Saturday, 6th April Da ew genam scrifa gwersyow. Nag o vy prydedhes fîn ha nag ew ow gwersyow  prydydhieth  afînys. Gwell via genam scrifa  cânow, saw na  wörama composa an mûsik. Nag o vy  scrifores mûsik. Calish ew cawas  rîmys rag nebes geryow.  Ellama remembra  rîmys? Na ellama remembra poran. Saw "didhan" ew  rîm rag "poran" (moy po le). "Godhan" ew  rîm aral, bes fatel ellama y ûsya? An pictour ew godhan brith. I like to write verses. I am not a fine poetess and my verses are not refined poetry. I would prefer to write songs, but I don't know how to compose the music. I am not a composer. It's hard to get rhymes for some words. Can I remember rhymes? I can't remember exactly. But "amusing" is a rhyme for "exactly" (more or less). "Moth" is another rhyme, but how can I use it? The picture is a peppered moth. Ma whans dhebm a scrifa neppeth didhan...
Read more

2024 Day 188

Image
  2024 Dedh Cans Pajar Ügens hag Eth De Sadorn, wheffes mis Gorefen Saturday, 6th July  Ma Kensa Menyster nowydh dhe nei ha ma bagas brâs a venysters dhe scodhya dhodho. Keir Starmer a wrüg appoyntya y Gabinet. Ma nebes Menysters Ûhel a'n Governans. Piw emesk anjei a vedh a vry rag Kernow ha 'gan tavas Kernôwek? Poyntys ew Angela Rayner avel Scrifenyades a Stat rag Heveleby Emann, Annedhyans ha Kemenethow. Hei a wra  ònderstondya agan caletterow gen whel gobrow isel ha fowt a annedhyans cavadow. Saw wra hei ònderstondya agan cultur ha tavas? Vedh mòna lowr rag Kernow e'n termyn a vedn dos?  Chonsler an Arhow nowydh ew Rachel Reeves. Scrifenyades a Stat moy ew Lisa Nandy. Nei a dal mires dhedhy rag Cultur, Maynys ha Sport. Ma fowt a media e'n tavas Kernôwek. Scrifenyades a Stat rag Adhescans ew Bridget Phillipson. Ma othom dhe nei a adhescans et agan tavas. Ma othom a dhescajow Kernôwek ha descajow adro dhe story Kernow. Nei a wra mires orth an benenes ma! Ma mar...
Read more

2024 Day 328

Image
  2024 Dedh Trei Hans Eth warn Ügens De Sadorn, tryja warn ügens mis Dû   Saturday, 23rd November   Warlergh Nicholas Boson, an Arlòdhes Kernow a vetyas gen Harry an Ermyt (hag y Va nagh, Michell) en ordenal en Chapel Carn Bre. Em è dh an Ermyt, "Nages travith dale talues an bees Bus gen dieu benegas do gweel gan crees. ( SWFLt Nag eus tra veth a dal talvos an bes Bes gen Duw benegys dhe wil agan cres.) This world hath nothing worth our love But to make peace with God above." An arl ò dhes veu avîsys adro dhe'n ermyt. Ac û syes o Harry a bystria (war enawellow, dhe gawas oyow moy dhort an gwreg eth chei ). "Rag an Arlothas an wolas Kernow. Dreth gwz Kibmias Benigas, Why ra Cavas dreeu an gwas Harry ma Poddrack broas." ( SWFLt Rag Arl ò dhas an wlas Kernow Dredh agas c ü bmyas benegys, Whei a wra cavas dr'ew an gwas Harry ma podrak br â s.) According to Nicholas Boson, the Duchess of Cornwall met Harry the Hermit (and his Monk Michell) at a service in the ...
Read more