2024 Day 290

 2024 Dedh Dew Cans Pajar Ügens ha Deg 
















De Merher, whetegves mis Hedra 

Wednesday, 16th October 


Hedhyw ew de Merher, de a veu de Meurth ha degensete a veu de Lün. Avorow a vedh de Yow, trenja a vedh de Gwener ha'n jedh wòja hedna a vedh de Sadorn. Res ew dhebm perthy co a dhew bednbloodh e'n mis ma ha pajar pednbloodh e'n nessa mis. My a dal liwya nebes cartys pednbloodh, martesen gen arwòdh an Zodiak (An Vantol po An Scorpyon).

Today is Wednesday, yesterday was Tuesday and the day before yesterday was Monday. Tomorrow will be Thursday, the day after tomorrow will be Friday and the day after that will be Saturday. I have to remember two birthdays in this month and four birthdays in the next month. I should paint some birthday cards, perhaps with a sign of the Zodiac (Libra or Scorpio).

Deg ger rag hedhyw Ten words for today 

An Scorpyon Scorpio

An Vantol Libra

arwòdh (m) sign, symbol

cartednow cards < carten (f) (also cart (m) > cartys (SWFM kartennow < karten(f))

degensete day before yesterday

hedhyw today

liwya to paint, colour

pednbloodh (m) birthday, anniversary

perthy co to remember (SWFM perthi kov) 

trenja day after tomorrow


Comments

Post a Comment

Popular posts from this blog

2024 Day 97

Image
  2024 Dedh Pajar Ügens ha Seytek De Sadorn, wheffes mis Ebrel Saturday, 6th April Da ew genam scrifa gwersyow. Nag o vy prydedhes fîn ha nag ew ow gwersyow  prydydhieth  afînys. Gwell via genam scrifa  cânow, saw na  wörama composa an mûsik. Nag o vy  scrifores mûsik. Calish ew cawas  rîmys rag nebes geryow.  Ellama remembra  rîmys? Na ellama remembra poran. Saw "didhan" ew  rîm rag "poran" (moy po le). "Godhan" ew  rîm aral, bes fatel ellama y ûsya? An pictour ew godhan brith. I like to write verses. I am not a fine poetess and my verses are not refined poetry. I would prefer to write songs, but I don't know how to compose the music. I am not a composer. It's hard to get rhymes for some words. Can I remember rhymes? I can't remember exactly. But "amusing" is a rhyme for "exactly" (more or less). "Moth" is another rhyme, but how can I use it? The picture is a peppered moth. Ma whans dhebm a scrifa neppeth didhan
Read more

2024 Day 188

Image
  2024 Dedh Cans Pajar Ügens hag Eth De Sadorn, wheffes mis Gorefen Saturday, 6th July  Ma Kensa Menyster nowydh dhe nei ha ma bagas brâs a venysters dhe scodhya dhodho. Keir Starmer a wrüg appoyntya y Gabinet. Ma nebes Menysters Ûhel a'n Governans. Piw emesk anjei a vedh a vry rag Kernow ha 'gan tavas Kernôwek? Poyntys ew Angela Rayner avel Scrifenyades a Stat rag Heveleby Emann, Annedhyans ha Kemenethow. Hei a wra  ònderstondya agan caletterow gen whel gobrow isel ha fowt a annedhyans cavadow. Saw wra hei ònderstondya agan cultur ha tavas? Vedh mòna lowr rag Kernow e'n termyn a vedn dos?  Chonsler an Arhow nowydh ew Rachel Reeves. Scrifenyades a Stat moy ew Lisa Nandy. Nei a dal mires dhedhy rag Cultur, Maynys ha Sport. Ma fowt a media e'n tavas Kernôwek. Scrifenyades a Stat rag Adhescans ew Bridget Phillipson. Ma othom dhe nei a adhescans et agan tavas. Ma othom a dhescajow Kernôwek ha descajow adro dhe story Kernow. Nei a wra mires orth an benenes ma! Ma martesen pe
Read more

2024 Day 107

Image
  2024 Dedh Cans ha Seyth De Meurth, whetegves mis Ebrel Tuesday, 16th April   Ma  cân an bobel vysqwethek , "An Guckou".  An gog  ew  edhen  deg, hei a gan ha hei ow neyja. Hei a dal dos en mis Ebrel, saw nag eus cân veth  clowys genam e'n vledhen ma.  Hei a dal dos gen oll an flourys a'n  gwenton .  Henwys  ens rag an edhen. Ma  bleujen an gog  gen clegh blou.  Losow an gog  ew an keth tra. Moy diwedhes, e vedh lies  les an gog   melyn  po melyn gog. En mis Me, an gog a dal cana oll an jorna. Ma'n  cân an bobel ow cana a gerenja. There is a timeless folksong, "The Cuckoo". The cuckoo is a pretty bird, she singeth as she flies. She should come in April, but I have heard no song this year. She ought to come with all the flowers of the spring. They are named for the bird. There is a bluebell (cuckoo flower) with blue bells. Cuckoo plants are the same thing. Later, there will be many yellow marigolds. In May, the cuckoo should sing all day. The folksong si
Read more