2025 Day 281

 2025 Dedh Dew Cans Pajar Ügens ha Wonan

De Merher, ethves mis Hedra
Wednesday, 8th October

An daralla bian ma ew aswonys da dres oll an bes. Martesen, nag eus othom a dreylyans. Whedhel ew rag oll an bes. Descans ew ow tòchya radna. Saw ma whedhel aral gen hanow pecar, ow tòchya falsury.

This little tale is internationally well known. It's a story for all the world. Perhaps, there's no need of translation. It's a story for all the world. It's a lesson about sharing. But there is another story with a similar name, about trickery.

Ma den coth ow kerdhes en pow. Devedhys ew ev en treveglos bian. Ma’n düs ow cüdha et aga treven.

“Rag fra ma own dhe whei? Theram ow whilas neb le dhe gòsca ha neppeth dhe dhebry. Hemm ew oll” 

“Ke dhe ves, den anketh! Nag eus tabm boos vetholl dhe nei. Gwag o nei. ” 

“Na amownt. My a wra fyttya cawl men raga nei oll.”

Ma calter brâs dhodho. Ma va ow còrra an calter dhe’n dor ha dalla gwil tan.

“My a venja cawas badna dowr.”  Ma nebes flehes ow mos dhe’n plomp rag dowr. Mons ow scòllya dowr e’n calter. 

Ma’n den anketh ow kemeres men glan dhort sagh fin. Ma’n men ow codha e’n dowr.

Ma’n dowr ha’n men ow treylya tòbm. 

“Sawarn da ew hedna!”   

Ma nebes tüs ow tos.

“Gwag o nei.” 

“Ma othom dhebm a gavach rag gwelhe an cawl.”

Ma lowarther ow trei cavach bian dhort y lowarth.

“Gwell ew solabres!”

“My a venja cawas tabm kig sallys. An cawl a vedh gwell.” Ma’n kiger ow cavas tabm backen brith. Ma hedna ow mos e’n calter.

“Gwell ew solabres!”

“Ma othom dhebm a onyon rag gwelhe an cawl.”

Ma benyn goth ow cavas onyon cüdhys et hy hopart. Ma hebma ow mos e’n calter.

“Gwell ew solabres!”

“My a venja cawas nebes losow moy rag gwelhe an cawl. Eus losow moy?

“Ma fav òbma.” 

“Ma tettys òbma.” 

“Ma caretys òbma.” 

“Ma tabm barlys òbma.” 

Wostiwedh, parys ew an cawl ha radnys ewa emesk oll an düs.

Ma’n den anketh ow còrra an men et y sagh arta.  

“Sawrek ew an cawl. Nag o nei gwag lebmyn.”

An nessa dedh, ma whans dhe’n chîf an dreveglos a berna an men hüs.

“Nagew dhe wertha.”

Ma’n den anketh ow mos mes a’n dreveglos.

“Otta, ma neppeth rago whei, a flehes. Ma’n men hüs, et y sagh fîn, rag gwil cawl men. Whei ell y wil agas hònan.  Ma pubonan ow rei tabm.”