A Year of Late Cornish

  2021 Dedh Üdnek warn Ügens De Sül, üdnegves warn ügens mis Genver Sunday, 31st January Eth ar glogh e'n mettin hag e veu kert delivra reb agan yet. Devedhys ew trampoline nowydh en dew fardel brâs. Tho nei leun a esperans dr'ellen nei gweles agan flehes wydn e'n hav, òja leunstroth ew gorfednys. E'n men termyn, thew Degol Maria Dallath an Gwenton avorow ha my a dal gorra dhe ves an wedhen Nadelik. Heb mar, ma whans dhe'n gath a weres dhebm! Avorow a vedh dhe hanter an vorr tredh an Vantol ha Kehesnos Gwenton. En termyn eus passyes thera degol pagan Keltek gelwys Imbolc, dhe welcòbma an gwenton. Ma düstüny dr'o Imbolc dhe les gen kemenethow gonisegeth Oos Nowydh an Men, nanj ew pemp mil bledhen. Degol Brigid ew ewedh, mabm sans a Wordhen, ha kens hedna degol rag an dhuwes Brigit po Brig. Etho, dedh pur vrâs an vledhen ew.        Eight o'clock in the morning and there was a delivery van by our gate. A new trampoline had come in two big packages. We are hopef

  2021 Dedh Deg warn Ügens De Sadorn, degves warn ügens mis Genver Saturday, 30th January O whei kerdher prederüs? O whei gorrour carr prederüs? Ero whei ow kil warlergh rowlys an vorr?  Ew drîvyoresow benow an gwelha? Terweythyow thera vy ow qweles drîvyers andhoth. Mowns ow mos re üskis. Mowns ow tos re nes dhe gerdhers ha diwrosoryon. Anjei ell bos speytüs. Na wrüga vy besca (besketh) clowes drîvyores ow carma po moletha. Ma prôf a lewans drog reb an vorr en nebes teleryow.    Are you a considerate walker? Are you a careful motorist? Do you comply with the rules of the road? Are women drivers the best? Sometimes I see inconsiderate male drivers. They go too fast. They come too close to walkers and cyclists. They can be abusive. I've never heard a woman driver shout or curse. There is proof of bad steering by the road in several places. Deg ger rag hedhyw:   Ten words for today andhoth  inconsiderate diwrosoryon  cyclists drîvyoresow  (f.pl.)  drivers <  drîvyores  (f) garma 

  2021 Dedh Naw warn Ügens De Gwener, nawhes warn ügens mis Genver Friday, 29th January Pandr'ew agas flour an moyha kerys? Ew da genowgh flourys a dermyn gwenton - flourys üvel ha methek? Po ew an gwelha flourys an re na ew gwelys en hav? Senjys o nei lebmyn, en cres an leunstroth, rag pednen a lôwender veth oll. Ha ma flourys gwenton a-bres ow trei lôwender, devry, dres ehen en gwav. Nag eus ergh òbma, bes ma lies bleujen ergh. Ma radn anodhans reb an eglos ha ma erel en lowarthow. Ma gr ü g gwydn reb an eglos ewedh. My a welas flour melyn bian reb an vorr, emesk delkyow marow. Nag eus bes onan. Steren an gwenton ew hei. Nag eus sawarn dhedhy, bes ma sawarn a onyon dhe'n gôdhkednin en ogas. En hav nei a wel flourys nebes scòllyek. Meurgerys ew anjei gen liworyon - ma othom dhodhans a gawas rüdh lowr. Pandr'ew an flourys a'n seythdegves cansbledhen? Na wòrama. Martesen, thens tulips - y veu facyon ragtans e'n termyn na.   What is your favourite flower? Do you like

2021 Dedh Eth warn Ügens De Yow, ethves warn ügens mis Genver Thursday, 28th January O whei shiek? Benyn shiek o vy! Saw nag o vy mar shiek avel Jean Piaget, sycologor dhort Pow Swiss. Aswonys ew ev rag y dybyas a dhisplegyans godhvosüs en flehes, hag adhescans. Pur godnyk hag ort còmpes o y vres, saw nebes strolüs o y sodhva! Strolüs o an mordarth hedhyw! Na wrüga vy mos dhe'n morrab hedhyw, saw thera webcam war an tavern. My a viras orth an mor dhort pelder, bes na aljama gweles an düs e'n dowr.  Morplaynyers ell whithra war an Kesrosweyth rag termyn da dhe surfya.   Are you untidy? I am an untidy woman! But I am not as untidy as Jean Piaget, a Swiss psychologist. He's known for his theory of cognitive development in children, and education. His mind was very clever and in order, but his office was a bit messy! The surf today was messy! I didn't go to the promenade today, but there was a webcam on the pub. I looked at the sea from a distance but I could not see the pe

  2021 Dedh Seyth warn Ügens De Merher, seythves warn ügens mis Genver Wednesday, 27th January Jorna loos arta, saw nag eus meur a law. Nag eus othom dhebm a lawlen hedhyw. Et y le, ma niwl ha cloudys isel. Na ellama gweles an mor ha Carn Breanek. Disliw ew an tirwedh. Nag eus gorwel. Eus tecter en kewer a'n par ma? Ma lies lymner leb a wrüg liwya glaw ha glawlednow, oll adro dhe'n bes. Thew nebes pictours sevur ha radn anodhans ew wharthüs. Norman Garstin 1889 a liwyas morrab (ogas dhe Lowarthow Morrab) gleb en Pensans. "An glaw, ma va ow kil glaw pub jorna". Nag ew hebma argebmyn da rag an morrep!  Moy wharthüs ha moy leun a liw ew "An botaler ow càna" Jack Vettriano. Magritte a erviras dhe liwya tüs en le glawednow. Ma hager law en troghbredn Hiroshige. Ha ew an glawlednow Renoir an gwelha aswonys? A grey day again, but there isn't a lot of rain. I don't need an umbrella today. Instead, there is fog and low clouds. I can't see the sea and St A

  2021 Dedh Whegh warn Ügens De Meurth, wheffes warn ügens mis Genver Tuesday, 26th January Jorna loos! "Glas" o an mor ha "glas" o an ebòrn, saw hedhyw tho an "glas" moy avel loos a-der blou. Gleb o an ayr. An glaw a wrüg golhy an liw mes a'n ebòrn. Re leb ew rag ow hamera. Res ew dhebm ûsya fôtôs coth. Na veu ergh dhe nei, saw thera ergh en Swindon. Agan mebyon wydn a wras den ergh en park. "Pandr'ew an dewlagas?" "Sethednow." "Pandr'ew an frigow?" "Sethen." "A nag eus caretesen rag an frigow?" "Nag eus caretesen en park." "Pandr'ew an bòtonyow?" "Sethednow." "Pandr'ew an defra?" "Sethednow. Ma sethednow e'n park." "Ma va ow teudha lebmyn." Nag eus ergh lowr e'n pow ma rag skia, ha nag eus yey lowr rag skittra naneyl. Na ell an flehes slynkya en telher veth. O an seytegves cansbledhen moy yeyn? Ma'n düs ma ow skitt

  2021 Dedh Pemp warn Ügens De Lün, pempes warn ügens mis Genver Monday, 25th January Ma ambos a gewer gwell. An ayr yeyn Arctyk a dal mos dhe ves hag ayr moy jentyl a-dhort an sooth-west a dal dos. Bes en mettin, na venja an yeynder kescar, thera patronyow glytt teg war an beistry dobyl gwedrys. En dohajedh thera whath yey war blodn. Bettegens, tòbm lowr o an howl, blou o an ebòrn ha thera cloudys plüvek. Thera skeujow cloudys war radn an gwelyow. En pelder thera turbins gwens ow treylya, bes pandr'a wrüg wharvos òbma? Nag eus gool dhe'n tour ma. Mowns war an dor. Ens codhys? There is a promise of better weather. The cold Arctic air should go away and kinder air from the south-west should come. But in the morning, the cold didn't want to depart, there were beautiful frost patterns on the double-glazed windows. In the afternoon there was still ice on a puddle.  However, the sun was quite warm, the sky was blue and there were fluffy clouds. There were cloud shadows on some o