A Year of Late Cornish

2022 Dedh Cans hag Üdnek De Yow, kensa warn ügens mis Ebrel Thursday, 21st April My eth bys en Truru de. Ha my ow mos e'n vorr my a welas taclow ow chânjya. Ma meur a dhiswreans ha meur a dherevyans nowydh. Gellys ew nebes treven coth, nebes shoppys, stevellow gwerth ha gwarajiow. A vedh shoppys nowydh po radnjiow? Ma derevyans e'n clojy - e vedh diberthvaow moy ha romys dyghtyans moy. En certan e vedh dhen vorr vrâs nowydh.   I went to Truro yesterday. As I was going along the road I saw things changing. There is a lot of demolition and a lot of new construction. Several old houses, some shops, sales rooms and warehouses have gone. Will there be new shops or apartments? There's construction in the hospital - there will be more wards and more treatment rooms. Certainly, we will have a new, big road. Nebes geryow rag hedhyw.  Several words for today. clojy  (m)  hospital derevyans  (m)  construction diswreans  (m)...

  2022 Dedh Cans ha Deg De Merher, ügensves mis Ebrel Wednesday, 20th April E veu kerdh teg dhe'n savla kyttrin e'n dohajedh. Leun ew an keow a gednin gwels ha bleujow a'n gog. Gwag o an vorr. Nag o gwag an dre. Leun ew hei a havyjy (saw nag ew hav!). Syger o an kyttrin war an venedh, en lost kerry. Rag fra? E veu diwroser a-rag. War an diwedh, my a glôwas orth areth gen artist pur dhe les en Truru. It was a beautiful walk to the bus stop in the afternoon. The hedgerows are full of wild garlic and bluebells. The road was empty. The village was not empty. It's full of summer visitors (although it is not summer!) The bus was slow on the hill, in a tail back. Why? There was a cyclist in front. In the end I listened to a lecture by a very interesting artist in Truro.

   2022 Dedh Cans ha Naw De Meurth, nawnjegves mis Ebrel Tuesday, 19th April ho dè anexétastos bíos ou biōtòs anthrṓpōi  ( ὁ δὲ ἀνεξέταστος βίος οὐ βιωτὸς ἀνθρώπῳ ). Ma laverans Socrates (treylyes dhe Sowsnek, na wora vy Grek Ancyent): Bôwnans nag ew consydrys na dal bewa. Socrates a'n lavaras en trial, y drial ev. Filosofer o ev. Res veu dhodhans dewis tredh mernans hag exilyans. Ev a dhewisas mernans. Bôwnans heb filosofieth, heb fürneth, na dal oy. Pandr'ew an skians a hebma? Nei a dal cara ha whilas fürneth. My a'n gwelas war ven bedh. Tho va bedh den da, filosofer, scrifer ha descador, den für. Bedh ow howeth ew. There is a saying of Socrates (translated into English, I do not know Ancient Greek): The unconsidered (unexamined) life is not worth living. Socrates said it in a trial, his trial. He was a philosopher. He had to choose between death and exile. He chose death. Life without philosophy, without wisdom, is worth not...

  2022 Dedh Cans hag Eth De Lün, etegves mis Ebrel Monday, 18th April Gellys ew oll an ynflamyans Du Pask. Debrys ew re a choclat! Bes ma whath biskys dhe vos debrys. Thera bara jynjer e'n form a oyow, edhnigow ha cònidnas dhe vos afînys gen tos shuger (en pibednow) ha neus shuger liwys. All the excitement of Easter Day has gone. Too much chocolate has been eaten! But there are still biscuits to be eaten. There was gingerbread in the shape of eggs, chicks and rabbits to be decorated with sugar paste (in tubes) and coloured sugar strands.

    Dedh Cans ha Seyth De Sül, seytegves mis Ebrel Sunday, 17th April Du Pask, ha pandr'ew an gwelha tra rag flehes e'n mettin? Helhya, thera vy pedery, helhya rag oyow Pask emesk an flourys ha gwedh (ha whynas) en lowarthow. Terweythyow ma hyntys!  Da ew ganjans oyow choclat en arbednek, oyow ha, martesen, taclow erel gwres a choclat. Abele üjy an taclow ma ow tos? Ma Còninik Pask po Scovarnek Pask ow trei anjei, ma'n flehes ow crejy. Na vedn an flehes debry na hânsel na li. Easter Day, and what is the best thing for children in the morning? Hunting, I think, hunting for Easter eggs among the flowers and trees (and weeds) in gardens. Sometimes there are clues! They like chocolate eggs in particular, eggs and, perhaps, other things made of chocolate. Where do these things come from? Easter Bunny or Easter Hare bring them, the children believe. The children won't eat breakfast or lunch.

  2022 Dedh Cans ha Whegh De Sadorn, whetegves mis Ebrel Saturday, 16th April E'n mettin my a glowas clegh ow seny e'n eglos en ogas. Martesen e veu demedhyans Pask. Avorow e vedh clegh arta rag Pask. E'n pelder my a welas deves ha spern dû gen flourys gwydn. Ma liw moy et ow lowarth - meur a gigliw po gwydnrüdh. Ma gwydnrüdh emesk an brially melyn ewedh. Ma flourys gwydnrüdh ow tos e'n wedhen avalow saw bleujyow gwedh per ew gwydn pur. Ma loor gwydn ow terevel a-dhelher dhe'n gwedh.  In the morning I heard bells ringing in the nearby church. Perhaps there was an Easter wedding. Tomorrow there will be bells again for Easter. In the distance I saw white sheep and blackthorn with white flowers. There is more colour in my garden - a lot of flesh colour or pink. There's pink among the yellow primroses too. Pink flowers are coming in the apple tree but pear tree blossom is pure white. A white moon is rising behind the trees.

   2022 Dedh Cans ha Pemp De Gwener, pemdhegves mis Ebrel Friday, 15th April De Gwener an Grows. Otta gwers dew cans ha naw dhort "Passyon agan Arlòdh" (gen nebes chânjans dhe'n spellyng). Nanj o hanter-dedh e'n wlas po moy dell ema screfys. Dorgrys era ha lûhes ha'n tewolgow kekeffres. Veyl an tempel a sqwardyas intra dew dhe'n dor codhys. Ena ewedh y torras an veyn, o crev ha calish. Good Friday. Here's verse 209 from "The Passion of our Lord" (with a few changes to the spelling). Now it was midday in the country or later, as is written. There was an earthquake and lightning and darkness also. The veil of the temper tore in two, fallen to the ground. There also broke the stones, which were mighty and hard. Nebes geryow rag hedhyw.  Some words for today. codha  to fall crows  (f)  cross dorgrys  (m)  earthquake <  dor  (m)  earth gwlas ~ gwolas  (f)  country hanter-dedh  midday kekeffres  ...