A Year of Late Cornish

  2026 Dedh Cans Pajar Ügens ha Wonan De Meurth, degves warn ügens mis Efen Tuesday, 30th June An mis ma ew mis cott. Nag eus bès deg dedh warn ügens etto, pecar'a mis Ebrel, mis Gwedngala ha mis Dû. Nag ew bès mis Whevrel en üdnek mis cotta, whath en bledhen labm. An misyow erel ew üdn jedh hirra. En Sowsnek ma rîm dhe weres dhe flehes perthy cov. Ma othom dhen a neppeth a'n par na rag Kernôwek. Piw a vedn y scrifa? En s ü r, mis Efen o an t ò bma mis e'n vledhen ma. Ewa record? Kernow ew nebes moy yeyn avel Loundres! Ha, en mettin ma, glaw a wra. This month is a short month. There are only thirty days in it, like April, September and November. Only February is a shorter month, even in a leap year. The other months are one day longer. In English, there is a rhyme to help children remember. We need something like that for Cornish. Who will write it? Certainly, June was the hottest month this year. Is it a record? Cornwall is a bit cooler than London! And, this morning, it i...

  2026 Dedh Cans ha Pajar Ügens De Lün, nawes warn ügens mis Efen Monday, 29th June E vedh loor leun e'n nos. Na wra vy hy gweles. Gorherys ew an eborn. An cloudys a dheuth e'n jedh. Loor Sevy henwys ew an loor leun ma. Ma'n sêson rag cuntel sevy! Na ellama gweles an loor, saw me ell trouvya nebes sevy münys et ow lowarth. Bian ens, bes nag ens an behatna tra e'n lowarth. Otta an flourys cogh ma emesk an gwelsednow. Na wöra vy aga hanow. Bes pandr'ew flour an moyha cogh? Otta hebma, an jowal,  emesk an reden. Ro dhort cowethes o va, etho na wöra vy y hanow naneyl. Ma melyonen rüdh ewedh, saw nag ew hebma mar spladn. There will be a full moon in the night. I won't see it. The sky is overcast. The clouds came in the day. This full moon is called a Strawberry Moon. It's the season for picking strawberries! I can't see the moon, but I can find some tiny strawberries in my garden. They are small, but they are not the smallest thing in the garden. Look at the...

  2026 Dedh Cans Trei Ügens ha Nawnjek De Sül, ethves warn ügens Sunday, 28th June Skith o vy, ha henn ew oll! I'm tired, and that's all.

  2026 Dedh Cans Trei Ügens hag Etek De Sadorn, seythves warn ügens mis Efen Saturday, 27th June Res veu ow mab palas cleudh et y lowarth. Ev a dhallathas cleudhya gen kemeres dhe ves nebes gweres. My a gemeras pott an gweres na rag lowarth vy, heb gwil tra veth ganjo. Pana sowdhan! Thera has e'n gweres, ha lebmyn ma üdn flour rüdh teg. Lowen ew an bulhorn ma. Ma delkyow sawrek ragto dhe dhebry.  Nag üjy va ow tebry an delkyow e'n pott en ogas. Nag en jei mar sawrek, car dre hevel. My son had to dig a trench in his garden. He began trench digging by removing some soil. I took a pot of that soil for my garden, without doing anything with it. What  surprise! There were seeds in the soil, and nor I have one beautiful red flower. The snail is happy. There are tasty leaves for it to eat. It does not eat the leaves in the nearby pot. They are not so tasty, it seems.

  2026 Dedh Cans Trei Ügens ha Seytek De Gwener, wheffes warn ügens mis Efen Friday, 26th June Hedhyw my a fônyas diw gowethes rag kescowsow hir. Teyr benyn goth o nei, ha nag ew da genen an gewer dòbm ma. Tabm veth! Trigys o nei en radnow deffrans an pow, bes en pub le ew an keth tra. Gwrewgh gwitha yeyn a-jei, ha ûsya gwynsel mars eus onan anodhans dhewgh. Kewgh mes mettin a-varr mars eus odhom. Ma üdn gowethes en Enys Wight. Henn ew pecar'a Kernow. Ma ow howethes aral ogas dhe Loundres, pell dhort an mor. Ma hei en tòmbder lacka vel Kernow. Today I phoned two friends for long conversations. We are three old women, and we do not like this hot weather. Not at all! We are living in different parts of the country, but everywhere it is the same thing. Keep cool in the house, and use a fan, if you have one. Go out in the early morning if necessary. One friend is in the Isle of Wight. That's like Cornwall. My other friend is near London, far from the sea. She is in worse heat than ...

  2026 Dedh Cans Trei Ügens ha Whetek De Yow, pempes warn ügens Mis Efen Thursday, 25th June Ma hager awel derednow gen lûhes ha tarednow. Res ew dhebm scrifa neppeth en üskis ken vo coll a dredan . Ma'n beistry ow shakya ha dalledhys ew an glaw.  There's a thunderstorm with lightening and thunder. I must write something quickly before there is a loss of electricity. The windows are shaking and the rain has started.

  2026 Dedh Cans Trei Ügens ha Pemdhek De Merher, pajwora warn ügens mis Efen Wednesday, 24th June Etho, na ellama mos mes e'n tòbmder-ma. Na wra vy cowsel gen nagonan e'n strêt. Martesen my alja gelwel nebonan dhe'n chei vy; nebonan gen car dhodho. "A venjes ta cawas bolla'de? Badna corev yeyn, martesen? Elles ta còrtos rag kidnyow? Ma pesk ha scòbmow dhebm (e'n stiver). Po martesen nebes salat a via gwell. Ma tomatys ha lattys e'n yeyner." So, I can't go out in this heat. I won't chat with anyone in the street. Perhaps I could invite somebody to my house; somebody with a car. "Would you like to have a cup of tea? A drop of cold beer, perhaps? Can you stay for dinner? I have fish and chips (in the freezer). Or perhaps some salad would be better. There are tomatos and lettuce in the fridge."

  2026 Dedh Cans Trei Ügens ha Peswardhek De Meurth, tryja warn ügens mis Efen Tuesday, 23rd June Whath, thew Seythen Cows Kernôwek, saw na veu Kernôwek veth clappyes genam hedhyw. Soweth! Re dòbm ew an gewer raga vy ha na wrüga vy mos mes. My wrüg gòrtos e'n chei, a-jei. Yeyn lowr ew agan chei. Kiger a vyldyas an chei avel gwithva rag y gig. Tew ha goskeusys ew an vosow men. Marthys ens rag gewer drovadnek -  rag an todn gressek ma. Na vedhama gòleyth ha na wra vy teudha avel manyn.   It is still Speak Cornish Week, but I haven't spoken any Cornish today. What a pity! The weather is too hot for me and I didn't go out. I stayed in the house, indoors. Our house is cool enough. A butcher built the house as a store for his meat. The stone walls are thick and shaded. They are wonderful for tropical weather - for this heat wave. I won't be a piece of roast meat and I won't melt like butter.

  2026 Dedh Cans Trei Ügens ha Terdhek De Lün, nessa warn ügens mis Efen Monday, 22nd June Otta nei en Seythen Cows Kernowek! A wrügo whei clappya Kernôwek e'n mettin ma, po dohajedh, po gordhûher? E vedh chons aral avorow - ha trenja. Whei ell leverel "Lôwena dhis" dhe'th teylû ha cowetha. Na vedh person veth gwelys genowgh avorow? Na amownt! Gwrewgh leverel "Durdadhawhei" dhe'th gweder mires (mirour) po dha jynn-amontya (compûter). Here we are in Speak Cornish Week! Did you speak Cornish this morning, or afternoon, or evening? There will be another chance tomorrow - and the day after tomorrow. You can say "Hello (joy to you)" to your family and friends. You won't see anyone tomorrow? Never mind! Say "May God give you a good day" to your mirror or your computer.

  2026 Dedh Cans Trei Ügens ha Dewdhek De Sül, kensa warn ügens mis Efen Sunday, 21st June Golowan lowen dhewgh! An howlsavla ew. An jedh hedhyw ew a hirra ha'n nos an cotha. En Pensans ma gool Golowan (gool Sent Jowan) dhe verkya cres an hav. Ma meur a vûsek ha donsya rag nebes dedhyow. Ma tüs tòllwiskys ewedh. Ha ma solempnita e'n cres an hav rag Gorsedh Kernow gen baner Awen. Hedhyw anjei a veu en Carnkie. Happy Midsummer. It's the solstice. The day today is the longest and the night the shortest. In Penzance there is a Golowan (Midsummer or the feast of St John) to mark the middle of summer. There is a loy of music and dancing for several days. There are people disguised too. And there is a ceremony in the middle of summer for the Cornwall Gorseth with the Awen banner.

  2026 Dedh Cans Trei Ügens hag Üdnek De Sadorn, ügensves mis Efen Saturday, 20th June Devedhys ew an diwettha dedh arwòdh an Zodiak "An Gevellyon". Avorow a vedh kensa dedh an nessa arwòdh "An Crang" po "Canker". Da ew genam tedna. En termyn eus passyes my a dowlas dewdhek desîn rag calander zodiak. Nag ew oll an spellyansow ûsys lebmyn (nag ens FSS). E'n henwhedhel, an "gevellyon" a veu mebyon - breder, bes my a dednas "gevellesow (mowesy ~ mosy)" - horydh! The last day has arrived of the sign of the Zodiac "Gemini, The Twins". Tomorrow will be the first day of the next sign "The Crab" or "Cancer". I like drawing. In the past I planned twelve designs for a zodiac calendar. The spellings are not all used now (they're not SWF). In the legend, the "twins" were boys - brothers, but I drew "girl twins" - sisters!

  2026 Dedh Cans Trei Ügens ha Deg De Gwener, nawnjegves mis Efen Friday, 19th June Hav a-varr ew ha ma mellyon gwydn et agan glesin. An gwenen gwyls a'n car. Nag eus kevys genam mellyonen beder del whath, bes ma nebes scavellow cronek pur vian emesk an flourys. Nag ens ûs veth dhe wenenen. Ma avalow rüdh bian codhys dhe'n dor dadn wedhen yonk. An avalow gerys e'n wedhen a vedh brâssa ha gwell e'n kidnyadh. Saw nag ew hobma ow gwelha avalen. It is early summer and there is white clover in our lawn. The wild bees love it. I haven't found a four-leaved clover yet, but there are some very small toadstools among the flowers. They are no use to a bee. There are little red apples fallen to the ground under a young tree. The apples left in the tree will be bigger and better in the autumn. But this is not my best apple tree.

  2026 Dedh Cans Trei Ügens ha Naw De Yow, etegves mis Efen Thursday, 18th June Skith (sqwith) o vy. Class Kernôwek e'n mettyn, clojy gen ow gour e'n dohajedh, Yeth an Werin Kern ô wek e'n gordhûher, sewyes gen redyans a "Flehes an Henshorn". I'm tired. A Cornish class in the morning, hospital with my husband in the afternoon, a Cornish Yeth an Werin (language of the people) in the evening, followed by a reading of "The Railway Children".

  2026 Dedh Cans Trei Ügens hag Eth De Merher, seytegves mis Efen Wednesday, 17th June Ma nebes geryow gen son kehaval. Anjei alja bos kemyskys, rag sampel "edhen" ha "edhyn" ha "eythin" ha "idhyowen". Ma odhom dhen a golm tavas! There are some words with a similar sound. They could be confused, for example " edhen " (bird) and " edhyn " (birds) and " eythin " (gorse) and " idhyowen " (ivy bush). We need a tongue twister. Ema üdn edhen e'n idhyowen ma. Eus edhyn en eythin na? There is one bird in this ivy bush. Are there any birds in that gorse.

  2026 Dedh Cans Trei Ügens ha Seyth De Meurth, whetegves mis Efen Tuesday, 16th June Hedhyw, thera vy ow mires orth taclow bian e'n lowarth. Taclow brâs ew moy apert, bes my a res whilas an taclow bian. Ma frûtys an hav - sevy, ow tevy war ladn. Bohes ew arves, saw an brâssa radn ew bohes arves. Mor cala gonedhys a via brâssa. Ma enevales bian cüdhys et ow lowarth. Nag eus cog veth, bes otta trefyas an gog! Ma leslôwen dadn an scroff, ow tebry sugen an idhyow. Nag ew an bulhorn ma, war redenen (tavas a'n carow), gwithys gen scroff. Ma crogen dhodho. Eus neppeth aral e'n toll ma en gladn? Neppeth bew? Re vrâs ew an toll rag gwenenen wyls. Re vian ew rag cònin. Martesen ma knithvil vian etto. Today, I am looking at small things in the garden. Big things are more obvious, but I must look for the small things. There are the summer fruits - wild strawberries, growing on a bank. A few are ripe, but most are unripe. Cultivated strawberries would be bigger. There are little animal...

2026 Dedh Cans Trei Ügens ha Whegh De Lün, pemdhegves mis Efen  Monday, 15th June Skith o vy arta, etho nag eus dhebm bes colm tavas gocky rago whei! I'm tired again, so I've only got a silly tongue twister for you! COLM TAVAS G De Gwener , gever gorm a guntellas gwels en glesin gweljek glas   en Goon Gompes gwenjek . Mis Genver ew gwell gen Gorownter Gregor rag gwary golf . Gellys ew Gonet gordhûher ,  gen hy gonhelhy ha hy gever gwydn. Hei a gollas hy gweljow gocky . On Friday, brown goats collected grass in a green grassy lawn  in windy Goon Gumpas (“level down”) Great-Uncle Gregor prefers January  for playing golf. Gonet is gone in the evening,  with her pony and her white goats. She lost her silly scissors.

  2026 Dedh Cans Trei Ügens ha Pemp De Sül, pajardegves mis Efen Sunday, 14th June De, my a veu pur vesy, etho hedhyw skith o vy. Theram ow tremena dedh hebask ha cosel, heb strivya. My ell scrifa heb bos berr-anal. Martesen, my a wra scrifa lies colm tavas moy. Ma caletter dhebm gen "G", etho otta colm tavas H. Yesterday, I was very busy, so today I am tired. I am passing a peaceful and quiet day, without exertion. I can write without being breathless. Perhaps, I'll write a lot more tongue-twisters. I have a problem with "G", so here is tongue- twister H. COLM TAVAS H Honn ew Hager Helga, helhores (helghores). Hunkyn ew hy hei hir . Ha ma Hunkyn, helgy Goon Helhy,  ow helhy (helghy) gen Hecka an helhor ,    gwiskys en hevys, hatt ha helghwisk . Hedhyw thew 'ga helgh rag hedh ergh , saw nag eus bes heyjy   war heyl en mis Hedra. Hebask ew hal ha heyl ,  etho na wra harha , a Hunkyn!    This is Horrible Helga, a huntress. Humphrey is her...