Day Fifty-one


An Üdnegves Dedh ha Dogans

De Merher ew, an kensa dedh warn ügens a vis Whevrel. Mettin avarr ew – whegh eur poran. Me a dhifünas pemp eur, drefen boas an kei o kiny. Thera whans dhodho moas mes e’n lôwarth. Me a egoras an daras ha’n gath eth mes ewedh. Oula a outyas. Re yeyn ew rag gara egor darjow veth, etho me a’n degeas ha gòrtos. Me a gawas badna te ha me o còrtos. 
It’s Wednesday, the twenty-first day of February. It’s early morning – six o’clock precisely. I woke at five o’clock because the dog was whining. It was wanting to go out into the garden. I opened the door and the cat went out as well. An owl hooted. It’s too cold for leaving any doors open, so I closed it and waited. I had a drop of tea while I was waiting.

Re yeyn! Trei degre o po le. Martesen ma rew. Me a wrüg perthy co (cov) nepeth. Thera gerys genam neb planjow en sethow aves dhe’n chei. Üskis! Gwra aga sawya! An kei a harthas e’n tewlder. Pe le ma va? Üskis! Gwra cawas torchen ha cavas an begel! Re helergh ew lebmyn dhe dhewheles dhe’n gwily (gwely).
Too cold! It was three degrees or less. Perhaps there’s frost. I remembered something. I had left some plants in pots outside the house. Quick! Rescue them! The dog barked in the darkness. Where is it? Quick! Get a torch and find the nuisance! It’s too late now to go back to bed.

Comments

Popular posts from this blog

2023 Day 158

2023 Day 171

2023 Day 108