Day Hundred and Ninety-nine


Cansves Dedh Nawnjek ha Pajer Ügens

De Yow, nawnjegves mis Gorefan.
Thursday, 19th July.
Me ell gweles an loor. Hanter loor po nebes ew – gwarek tew ew hei. 
Üdn jorna moy heb glaw o. Me a gerdhas dhe’n savla kyttrin rag moas dhe Trurû. Kerdh pur wheg ew. Thera odhom dhe’n vergh wydn a weres. Na alja hei gwil devnyth a hy gwily ros drefen boas bond ros flatt dhodho. Gour vy eth dhe shoppa diwros ha perna bond ros nowydh. Nag üjy nagonan owth owna bondow hedhyw en jedh, car dre hevel. En kettermyn me a wolhas an lestry ha degy trei sagh atal dhe’n crow frajens. Pana Samaritans da o nei!

I can see the moon. It’s almost a half moon – it's a fat crescent. 
It was one more day without rain. I walked to the bus stop to go to Truro. It’s a very nice walk. The granddaughter needed help. She couldn’t use her pram because it had a flat tyre. My husband went to a bicycle shop and bought a new tyre. Nobody mends tyres nowadays, so it seems. Meanwhile I did the washing up and carried three rubbish bags to the dustbin shed. What a good Samaritans we are!

Comments

Post a Comment

Popular posts from this blog

2024 Day 97

Image
  2024 Dedh Pajar Ügens ha Seytek De Sadorn, wheffes mis Ebrel Saturday, 6th April Da ew genam scrifa gwersyow. Nag o vy prydedhes fîn ha nag ew ow gwersyow  prydydhieth  afînys. Gwell via genam scrifa  cânow, saw na  wörama composa an mûsik. Nag o vy  scrifores mûsik. Calish ew cawas  rîmys rag nebes geryow.  Ellama remembra  rîmys? Na ellama remembra poran. Saw "didhan" ew  rîm rag "poran" (moy po le). "Godhan" ew  rîm aral, bes fatel ellama y ûsya? An pictour ew godhan brith. I like to write verses. I am not a fine poetess and my verses are not refined poetry. I would prefer to write songs, but I don't know how to compose the music. I am not a composer. It's hard to get rhymes for some words. Can I remember rhymes? I can't remember exactly. But "amusing" is a rhyme for "exactly" (more or less). "Moth" is another rhyme, but how can I use it? The picture is a peppered moth. Ma whans dhebm a scrifa neppeth didhan
Read more

2024 Day 107

Image
  2024 Dedh Cans ha Seyth De Meurth, whetegves mis Ebrel Tuesday, 16th April   Ma  cân an bobel vysqwethek , "An Guckou".  An gog  ew  edhen  deg, hei a gan ha hei ow neyja. Hei a dal dos en mis Ebrel, saw nag eus cân veth  clowys genam e'n vledhen ma.  Hei a dal dos gen oll an flourys a'n  gwenton .  Henwys  ens rag an edhen. Ma  bleujen an gog  gen clegh blou.  Losow an gog  ew an keth tra. Moy diwedhes, e vedh lies  les an gog   melyn  po melyn gog. En mis Me, an gog a dal cana oll an jorna. Ma'n  cân an bobel ow cana a gerenja. There is a timeless folksong, "The Cuckoo". The cuckoo is a pretty bird, she singeth as she flies. She should come in April, but I have heard no song this year. She ought to come with all the flowers of the spring. They are named for the bird. There is a bluebell (cuckoo flower) with blue bells. Cuckoo plants are the same thing. Later, there will be many yellow marigolds. In May, the cuckoo should sing all day. The folksong si
Read more

2023 Day 158

Image
  2023 Dedh Cans Etek ha Dogens De Merher, seythves mis Efen Wednesday, 7th June Marow? An tavas ew marow! Flows! Brabm an gath! An tavas a wr ü g merwel wòja an Ordinalia (e'n vledhen mil ha pajar cans)?  Na wrüg!  Wòja an Reformacyon (en whetegves cansbledhen) oll an bobel a wrüg clappya Sowsnek? Na wrüg! Bes na wrüg an tavas gòrtos heb chânjyans na neyl. An bobel a dhisplegyas vorrow deffrans rag leverel an keth tra. An kensa gwary e'n Ordinalia ew Origo Mundi, pecar'a gwelys e'n kensa lever en Beybel Sans. Nei ell trouvya nebes treylyansow a Jenesis. Whei a wel rag fra ma othom dhen a Furv Skrifys Savonek (FSS)! Dead? The language is dead! Rubbish! Nonsense! The language died after the Ordinalia (in the year 1400)? No! After the Reformation in the 16th century all the people spoke English? No! But neither did the language stay unchanged. The people developed different ways of saying the same thing. The first play in the Ordinalia is the Origin of the World, as seen
Read more