2024 Day 178

 2024 Dedh Cans Trei Ügens hag Etek


















De Merher, wheffes warn ügens mis Efen

Wednesday, 26th June


















Skith o vy hedhyw, etho na ellama scrifa blogg hir. Seythen Clappya Kernôwek ew hei e'n seythen ma. Ew gwelys genowgh agan poster? Ma lies vorrow dhe leverel "Hello". Da ew genam "Durdadhawhei" ha "Dursona dhewgh" ow hònan. Ello whei remembra agan poster an vledhen eus tremenys? Ero whei leverel an geryow own hedhyw? Wressa whei leverel an geryow na kens lebmyn?

I am tired today, so I can't write a long blog. It's Speak Cornish Week this week. Have you seen our poster? There are many ways of saying "Hello". I like "God give you a good day" and "God bless you!" myself. Can you remember our last year's poster? Are you saying the right words today? Did you say those words before now?

Naw ger rag hedhyw Nine words for today

an vledhen eus tremenys last year (SWFM warlena)

clappya to talk, speak (a language), chatter (SWFM klappya)

dursona (Duw re  sòna)  God bless

kens lebmyn before now, hitherto, previously, already, etc. (SWFM kens lemmyn)

Kernôwek Cornish language < Kernow Cornwall

ow hònan myself

own correct, right

poster (m) poster (SWFM skrisel)

skith ~ sqwith tired (SWFM skwith)


Comments

Post a Comment

Popular posts from this blog

2024 Day 97

Image
  2024 Dedh Pajar Ügens ha Seytek De Sadorn, wheffes mis Ebrel Saturday, 6th April Da ew genam scrifa gwersyow. Nag o vy prydedhes fîn ha nag ew ow gwersyow  prydydhieth  afînys. Gwell via genam scrifa  cânow, saw na  wörama composa an mûsik. Nag o vy  scrifores mûsik. Calish ew cawas  rîmys rag nebes geryow.  Ellama remembra  rîmys? Na ellama remembra poran. Saw "didhan" ew  rîm rag "poran" (moy po le). "Godhan" ew  rîm aral, bes fatel ellama y ûsya? An pictour ew godhan brith. I like to write verses. I am not a fine poetess and my verses are not refined poetry. I would prefer to write songs, but I don't know how to compose the music. I am not a composer. It's hard to get rhymes for some words. Can I remember rhymes? I can't remember exactly. But "amusing" is a rhyme for "exactly" (more or less). "Moth" is another rhyme, but how can I use it? The picture is a peppered moth. Ma whans dhebm a scrifa neppeth didhan
Read more

2024 Day 188

Image
  2024 Dedh Cans Pajar Ügens hag Eth De Sadorn, wheffes mis Gorefen Saturday, 6th July  Ma Kensa Menyster nowydh dhe nei ha ma bagas brâs a venysters dhe scodhya dhodho. Keir Starmer a wrüg appoyntya y Gabinet. Ma nebes Menysters Ûhel a'n Governans. Piw emesk anjei a vedh a vry rag Kernow ha 'gan tavas Kernôwek? Poyntys ew Angela Rayner avel Scrifenyades a Stat rag Heveleby Emann, Annedhyans ha Kemenethow. Hei a wra  ònderstondya agan caletterow gen whel gobrow isel ha fowt a annedhyans cavadow. Saw wra hei ònderstondya agan cultur ha tavas? Vedh mòna lowr rag Kernow e'n termyn a vedn dos?  Chonsler an Arhow nowydh ew Rachel Reeves. Scrifenyades a Stat moy ew Lisa Nandy. Nei a dal mires dhedhy rag Cultur, Maynys ha Sport. Ma fowt a media e'n tavas Kernôwek. Scrifenyades a Stat rag Adhescans ew Bridget Phillipson. Ma othom dhe nei a adhescans et agan tavas. Ma othom a dhescajow Kernôwek ha descajow adro dhe story Kernow. Nei a wra mires orth an benenes ma! Ma martesen pe
Read more

2024 Day 107

Image
  2024 Dedh Cans ha Seyth De Meurth, whetegves mis Ebrel Tuesday, 16th April   Ma  cân an bobel vysqwethek , "An Guckou".  An gog  ew  edhen  deg, hei a gan ha hei ow neyja. Hei a dal dos en mis Ebrel, saw nag eus cân veth  clowys genam e'n vledhen ma.  Hei a dal dos gen oll an flourys a'n  gwenton .  Henwys  ens rag an edhen. Ma  bleujen an gog  gen clegh blou.  Losow an gog  ew an keth tra. Moy diwedhes, e vedh lies  les an gog   melyn  po melyn gog. En mis Me, an gog a dal cana oll an jorna. Ma'n  cân an bobel ow cana a gerenja. There is a timeless folksong, "The Cuckoo". The cuckoo is a pretty bird, she singeth as she flies. She should come in April, but I have heard no song this year. She ought to come with all the flowers of the spring. They are named for the bird. There is a bluebell (cuckoo flower) with blue bells. Cuckoo plants are the same thing. Later, there will be many yellow marigolds. In May, the cuckoo should sing all day. The folksong si
Read more